Invitasjon til marknadsdialog i samband med nytt helse- og omsorgssenter i Gaupne sentrum

Luster kommune planlegg etablering av nytt helse- og omsorgssenter i Gaupne sentrum. Prosjektet omfattar samlokalisering av sentrale helse- og omsorgstenester i kommunen. Planlagt utbygging omfattar mellom anna: - Institusjonsplassar (korttids- og langtidsplassar) - Legekontor, legevakt og laboratoriefunksjonar - Ambulansestasjon - Fysio- og ergoterapitenester - Frisklivssentral og helsestasjon - Tenester innan psykisk helse og rus - Produksjonskjøken - Administrasjons- og fellesfunksjonar - Tekniske driftsfunksjonar - Uteområde, tilkomstløysingar og parkeringsanlegg Den overordna skildringa ovanfor er forenkla. Fullstendig og detaljert skildring av prosjektet sitt omfang, funksjonar og krav går fram av vedlagde dialognotat. Marknadsdialogen blir gjennomført 28. mai 2026 på Teams. Påmeldingsfrist er 25. mai 2026, kl. 23.59. Påmelding skjer via kommunikasjonsmodulen i KGV-systemet. Dette er informasjon om ei dialogkonferanse som er sendt ut via Doffin for å nå flest mogleg potensielle leverandørar. Framtidig konkurranse blir gjennomført etter del I og III i forskrift om offentlege anskaffingar (FOA).